Тел.: +7(776)396-79-79
baktibay.79@mail.ru
БІЛІМДІ ҰРПАҚ - ЕЛ БОЛАШАҒЫ
БІЛІМДІ ҰРПАҚ - ЕЛ БОЛАШАҒЫ
Отырар ауданының адами әлеуетті дамыту бөлімінің П.Айтменов атындағы негізгі орта мектебінде 2021 - 2022 оқу жылының аяқталуына орай "Біздің үздіктер" тақырыбында үздіктер шеруі өткізілді.
Іс шара барысында мектеп директоры А.Шарипов құттықтау сөзін арнай келе, мұғалімдер мен оқушыларға оқу жылының қорытындысы бойынша еңбектерін бағалап, мақтау қағаздарын тапсырды.
БАЛА ШАҚТАН - БОЛАШАҚҚА
БАЛА ШАҚТАН - БОЛАШАҚҚА
Отырар ауданының адами әлеуетті дамыту бөлімінің П.Айтменов атындағы негізгі орта мектебінде 4А, 4Ә-сыныптарының жетекшілері: Т.Ташпенова мен М.Танаштың ұйымдастыруымен "Бала шақтан - болашаққа" тақырыбында бастауышпен қоштасу іс-шарасы өтті.
Мақсаты:
Білімнің сара жолы бастауышта басталатынын, бастауышта алған білімнің негіз болып қалатынына көз жеткізу. Бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру, әр баланың ерекшелігін таныта отырып, сәт-сапар тілеу.
Білім ордасы – мектепті, ұстаздарын, ата-анасын құрметтеп, білімге деген құштарлығын арттыру.
4-сынып оқушылары бастауышпен қоштасу шарасында өздерінің жүрекжарды жырлар мен ән-билерін ата -аналар мен ұстаздарға ұсынды. Даярлық топтан бастап, 4 сынып аралығында білім алған кездері мен қызықты шақтарын естеріне түсіріп, баяндады.
Ата-аналар мен ұстаздар да өз құттықтауларын балғын балаларға арнап, 5-сыныпқа басатын қадамдарына сәттілік тіледі.
Адами әлеуетті дамыту басқармасы
Түркістан облысының адами әлеуетті дамыту басқармасының 2022 жылғы 13 мамырдағы 42-01-11/2102 хатына сәйкес «Балалар еңбегінің ең нашар түрлеріне қарсы күрестің кейбір мәселелері туралы» №127 бұйрығы бойынша балалар еңбегінің ең нашар түрлерін жою мақсатында П.Айтменов атындағы негізгі орта мектебінің жауапты қызметкерлері рейдтік іс шаралар ұйымдастырды. Рейдтік іс шаралар барысында мектепте ата-аналарға құқықтық түсіндіру жұмыстары жүргізілді.
Қазақстан Республикасының 2002 жылғы 8 тамыздағы N 345 Заңы бойынша 16-бап. Баланың еңбек бостандығына құқығы туралы тармағында
1. Әрбiр баланың еңбек бостандығына, қызмет және кәсiп түрлерiн еркiн таңдауға құқығы бар.
2. Балалар он төрт жастан бастап, ата-аналарының рұқсатымен оқудан бос кезiнде денсаулығына және өсіп-жетiлуiне оңтайлы, баланың дене бiтiмiне, имандылығына және психикалық жай-күйiне зиян келтiрмейтiн қоғамдық пайдалы еңбекке қатысуға, сондай-ақ мамандық алуға құқығы бар. Бұл құқықты халықты еңбекпен қамту қызметi мен жергiлiктi мемлекеттiк басқару органдары қамтамасыз етедi.
3. Он сегiз жасқа толмаған қызметкерлермен еңбек шартын жасасу және оны бұзу тәртiбi және олардың еңбегін реттеудің басқа да ерекшелiктерi Қазақстан Республикасының еңбек заңнамасында белгіленедi.
4. Баланы оның денсаулығына қауіп төндіруі немесе білім алуына кедергі келтіруі не оның денсаулығына және дене бітімі, ақыл-ойы, рухани, моральдық және әлеуметтік жағынан дамуына нұқсан келтіруі мүмкін кез келген жұмысты орындауға қабылдауға немесе тартуға тыйым салынады делінген.
Жалпы бала білім алумен, тәрбие алумен, өз жеке тұлға ретінде дамуға бағытталған іс шаралармен қамтылу керек.
Баланың еңбегін қанауға жол жоқ.
МҰҒАЛІМДЕРДІ ӘДІСТЕМЕЛІК СҮЙЕМЕЛДЕУ ЖҰМЫСТАРЫ ЖҮРГІЗІЛУДЕ
МҰҒАЛІМДЕРДІ ӘДІСТЕМЕЛІК СҮЙЕМЕЛДЕУ ЖҰМЫСТАРЫ ЖҮРГІЗІЛУДЕ
Шымкент қаласы "Өрлеу" біліктілікті арттыру ұлттық орталығы П.Айтменов атындағы негізгі орта мектебінің педагог-қызметкерлеріне әдістемелік сүйемелдеу жұмыстарын жүргізу бойынша келісім жасалды.
Мақсаты: Бастауыш сынып сабағында білім беру сапасын арттыру құралы ретінде оқыту мен оқу үдерісінде инновациялық технологияларын кешенді пайдалану.
Іс-шарадан кейін жоғарыда аталған бастауыш сынып мұғалімдерінің қиындықтар аясын анықтау мақсатында сауалнамалар алынып, әрі қарай жүргізілетін жұмыс жоспары талқыланды.
СЫНЫП САҒАТТАРЫ ӨТКІЗІЛДІ.
СЫНЫП САҒАТТАРЫ ӨТКІЗІЛДІ.
П.Айтменов атындағы негізгі орта мектебінде 7 мамыр - Отан қорғаушылар күні, 9 мамыр - Ұлы Жеңіс күніне орай сынып сағаттары өткізілді.
Максаты: оқушыларды отан қорғауға, батырлыққа, ерлікке, өжет те қайсар ұрпақ тәрбиелеу, бейбіт өмір үшін қасықтай қаны қалғанша ерлік көрсеткен батыр аға - апалар ерлігін баяндай отырып, ардагерлерге тағзым етіп, құрмет көрсетуге жол көрсетуге баулу. Бейбіт өмірді көру, көрініс арқылы жүзеге асқан бейбіт өмірді паш ету.
