Тел.: +7(776)396-79-79
baktibay.79@mail.ru
КӘСІПТІК БАҒДАР: "МАМАНДЫҒЫМ - МАҚТАНЫШЫМ"
КӘСІПТІК БАҒДАР: "МАМАНДЫҒЫМ - МАҚТАНЫШЫМ"
Бүгін Отырар ауданының адами әлеуетті дамыту бөлімінің "П.Айтменов атындағы негізгі орта мектебі" КММ-де кәсіптік бағдар беру педагогы А.Пернебаеваның ұйымдастыруымен "Мамандығым - мақтанышым" тақырыбында "Д.Құрманбек атындағы №20 колледж мамандары, тіс дәрігері, ауылдық емхана мамандарымен кездесу кеші өтті.
Мақсаты:
✓ Оқушыларға мамандық таңдау, оның адам өмірінде алатын орны, маңызы туралы түсініктерін қалыптастыру;
✓ бұрынғы бітіріп кеткен түлектердің жақсы қасиеттерін, озық қабілеттерін кейінгіге үлгі ету;
Кеш барысында "Ұшқыр ой" дебат үйірмесінің оқушыларының қатысуымен "Біз таңдаған мамандық" тақырыбында дебат өтті. Дебат барысында оқушыларға мамандықтардың түрлері, әр түрлі оқу орындары туралы мағлұмат бере отырып, маман иелері мен түлектер өз ойларын ортаға салып, таңдаған мамандықтары туралы пікірлерімен бөлісті.
«ТІЛ - ҰЛЫ БАЙЛЫҚ» ТАҚЫРЫБЫНДА ОНКҮНДІК ӨТУДЕ
«ТІЛ - ҰЛЫ БАЙЛЫҚ» ТАҚЫРЫБЫНДА ОНКҮНДІК ӨТУДЕ
Отырар ауданының адами әлеуетті дамыту бөліміне қарасты "П.Айтменов атындағы негізгі орта мектебі" КММ-де "Тіл - ұлы байлық" атты "Шежіре" бірлестігінің қазақ тілі, орыс тілі, ағылшын пәндерінің онкүндігі өтуде.
Мақсаты: Тіл –ұлттың мақтанышы, тірегі, жүрегі екендігіне кең түсінік бере отырып,
қастерлеуге үйрету.
«Адамға екі нәрсе тірек тегі, Бірі - тіл, бірі - ділің жүректегі»,- деп Жүсіп Баласағұн бабамыз айтқандай, кез келген мемлекеттің, елдің ең негізгі рәмізі де, ұраны да, тірегі де сол елдің ана тілі болмақ. Біздің Отанымыз байтақ та бай ел. Елімізде көптеген ұлт өкілдері тұрады. Әр халықтың өз ана тілі бар. Ана тілі адам баласының бойына ана сүтімен кіріп, бойға тарайды. Ана сүтімен бойымызға дарыған қазақ тілінің құдіреттілігі, көркемдігі өрлігінде, орасан зор байлығында.
ХАЛЫҚ ӘРТІСІ АЛТЫНБЕК ҚОРАЗБАЕВ 75 ЖАСТА
ХАЛЫҚ ӘРТІСІ АЛТЫНБЕК ҚОРАЗБАЕВ 75 ЖАСТА
Бүгін П.Айтменов атындағы негізгі орта мектебінде М.Шойманов ауылдық клуб меңгерушісінің ұйымдастыруымен Қазақстан халық әртісі, әнші, сазгер Алтынбек Қоразбаев ағамыздың 75 жас Мерей Тойына арналған "Сағындырған әндер-ай" атты концерт өткізілді.Ауыл өнерпаздары Ақан Тұрсынбеков, Кенжебаева Мырзакүл, Маликова Ұлжан,Қосалиев Еділбек және ауыл әжелерінен құралған "Әжелер" ансамблі өнер көрсетті.
Мәдени іс-шараны Еркебұлан Әзімханов керемет жүргізіп отырды.Шымкент саз колледжінің студенті Сунақбай Айзат керемет даусымен Алтынбек ағамыздың әнін шырқады.Аудандық мәдениет сарайынан Ізетова Назгүл ханым келіп ауыл өнерпаздарына өз ризашылығын білдірді.
Сонымен қатар, "Қызғалдақ" би тобы мың бұралған билерімен, көрермен көзайымы болды.
МЕКТЕБІМІЗДІҢ МАҚТАНЫШЫ.
Түркістан облысының Кентау қаласында өткен «Жарқын болашақ» республикалық қазақ тілі олимпиадасының облыстық кезеңінде «Жас қаламгер» бағыты бойынша мектебіміздің 8-сынып оқушысы Дүйсе Салтанат жүлделі І-орын иегері атанып, республикаға жолдама алды.
Бұл тамаша жеңісті зор қуанышпен қабылдадық. Осыған орай, мектепте арнайы жиын ұйымдастырылып, жүлделі І-орын алған 8-сынып оқушысы Дүйсе Салтанатты мектеп директоры А.Шарипов арнайы құттықтап, мектеп ұжымы атынан алғыс білдірді.
Шәкіртімізге байқаудың республикалық кезеңінде табыстар мен жаңа жеңістер тілейміз!!!
"МЕНІҢ ЕЛІМНІҢ НЫШАНДАРЫ" ТАҚЫРЫБЫНДА АШЫҚ САБАҚ ӨТТІ
"МЕНІҢ ЕЛІМНІҢ НЫШАНДАРЫ" ТАҚЫРЫБЫНДА АШЫҚ САБАҚ ӨТТІ
Бүгін Отырар ауданының адами әлеуетті дамыту бөлімінің П.Айтменов атындағы негізгі орта мектебінде бастауыш мұғалімі Т.Ташпенова 3-сыныпқа дүниетану пәнінен "Менің елімнің нышандары" тақырыбында ашық сабақ өтті.
Мақсаты: Қазақстанның ресми емес нышандарының маңызын оқушыларға түсіндіру. ("Алтын адам", " Бәйтерек" монументі, "Мәңгілік ел" қақпасы).
