Бүгін П.Айтменов атындағы негізгі орта мектебінде 1-9 сынып аралығында Қазақстан Республикасы Тәуелсіздігінің 31 жылдығына орай «Тәуелсіздік - тұғырым» атты тәрбиелік іс-шарасы өтілді.

 Мақсаты: Еліміздің тәуелсіздік алу жолындағы ата-бабаларымыздың ерлігін паш ету, оқушыларға желтоқсан құрбандарымен, желтоқсан оқиғасына қатысқан аға-апалардың ерлігін үлгі етіп көрсету. Оқушылардың туған өлкемізге деген сүйіспеншілігін, сезімдерін ояту. Елін, жерін сүюге, Отанын қастерлеуге, шыншылдыққа тәрбиелеу.

Іс-шара барысында мектеп оқушылары "Жас ұлан", "Жас қыран" ұйымына қабылданып, арнайы төс белгілер мен галстуктер тағылды.

 Осынау ұлан ғайыр өлкені «Найзаның ұшымен, білектің күшімен» қорғаған ата-бабаларымыздың аманатын ту еткен Алаш арыстарымыз туралы жыр шумақтары айтылып, тәуелсіздіктің қадірі мен қасиеті және оны қорғау біздің басты міндетіміз екені жайлы оқушылар өз ойларымен бөлісті.